أنا والبطيخ وهواك.. الاستهبال في الحب
3 مشترك
damietta cafe :: الفئة الأولى :: المنتدى العام :: خمسة فرفشة
صفحة 1 من اصل 1
أنا والبطيخ وهواك.. الاستهبال في الحب
من طرف mo7a الجمعة أبريل 23, 2010 1:58 pm
انا و البطيخ وهوااك .. برنامج .. للحب.. و عن الحبمع اوووسامة منير
الحب
ذلك الشعور السهلبيسي الذي يزغزغ عقول البشر و يهشك قلوبهممستمعينا لسه بنتكلم عن الحب وحلقتنا النهارده عن
الاستهبال في الحبمعاكم اسامه منير علي نجوم fm مزيكا علي كيف كيفك
في.. انا و البطيخ و هواك
من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية المهيسين كومباني و ان تاتش و كريمات زحلقهادايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين انى حاسسه بيكم و حاسسه بمشاكل الجيل كلها
اولا
الرصيد اللي بيخلص في يوم و انت لسه شاحن كارت ب 100 و تفضل تحرق في دقايق
علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم ( سويرس ) يشوفنا
او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 10 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش خلقتك
و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل ماسك في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي
مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية المهيسين كومباني و ان تاتش و كريمات زحلقها ياما زحلقهانستقبل اول اتصال تليفوني و نقول الوو
الوو
الووو
الووووو
انتى يا حاجه
واضح ان الخط قطع
- الوو ايوا يا اثامه
اهلا نتعرف بيكي ..
- بثمه من بنــــــــــــــــها
اهلا بيكي يا بسمه ياريت تعلي صوتك شويه
- معلش يا اثامه اثل انا بتكلم من تحت البطنية ..
مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه
- بص يا اثامه اولا انا بموت موت موت جدا في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..
هو بيضحك وفاتح بقه زي الحمار اهوه و بيقولك
مرسي ليكي يا بسمه
- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة
جميل
- اهـء اهـء اهـء
لا اهدي يا بسمه و قوليلي ايه اللي حصل
- يا اثامه اخد كل حاجة كل حاجة
اححمم
حتى الموبايل
خد الموبايل يا بسمه
- يا اثامه بقولك كل حاجة
اهـء هـء هـء
طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار
يا قاعدة علي الترعه و بتغسلي المواعين
جاتك ستين وكسه أخدتي أيه من الغسيل
نص ساعة اعلانات ..
انا و البطيخ و هواك برنامج للحب و عن الحب
مع اوووووسامه منير
الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون قرود ..
مستمعينا لسه بنتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
الوقت
بيمر معاكم بسرعة و حاتم بيضحك مش عارف علي ايه بس تقريبا عشان البت اللي
بتبيع ترمس علي كوبري ابو العلا حولت له 5 جنية رصيد ..
هاه ؟؟ عشره رصيد
طيب اشطه يا حتوم .. اخوك بقا هاه
نستقبل اتصال تليفوني و نقول الووو
الووو
الووو
الوووووو
يووووووه انتى يا بت
الظاهر الخط قطع
الوو ايوا يا اسامه
اهلا نتعرف بيكي
ياريت تعلي صوتك لان الصوت بعيد اوي
_معلش اصل انا بكلمك من الحمام
انا اسماء من المنصورة
اهلا بيكي يا اسماء
سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب
_اسامة
انا عاوزه اقولك في الاول انت انت احلى و اجمل اعلامي و صوت شفته في حياتي
و انا بسجل كل الحلقات بتاعتك و بحبك اوووي يا اسامه
ربنا يخليكي يا سماح ..
انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف
مين يااسماء ؟؟
_شلحف هو اسمه شادي بس انا بدلعه شلحف
قام ضارب الواد اللي عاكسني بالحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه
أنا بحب شلحف أوي
بصي يا سيدة
_اسماء
اه سوري
بصي يا اسماء
بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس
تعرفي هو لو كان الحديده مصنوعه من حديد عز اكبر مصنع في الشرق الاوسط و
المصدر الرسمي لحديد الجدار العازل كان حبيبك زمانه مشنوق دلوقتي لان حديد
عز يتميز بالصلابه و القهوه و السيخ مظبوط و بالتمام ..
شكرا يا ساره على اتصالك و بهديلك اغنية السوبر ستار
يا مسجون في لومان طره
نفسي اكل معاك كوز دره
مستمعينا لسه بتكلم عن الحب و لسه بنسأل عن الاستهبال في الحبنص ساعة اعلانات
مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي
هواك ات نيل راديو بروداكشن دوت كوم برعاية المهيسين
كومباني و ان تاتش وكريمات زحلقها و بيبسي و كوكا كولا و تايد و برسيل و اومو و اريال ..
اس ام اس كتيرررر جدا النهاردة
هااي
اسامه بحبك مووت... وبحب صوتك .. .. بجد وهدؤك بالكلام انا بحبك اوى موووت
انا اتعرفت على واحد من ع النت وقابلته بس نفسى احسسه بمشاعرى اعمل ايه
ارجو الرد يااحلى اعلامى واعذب صوت فى الكون..
__________________
هاى يااسامة ازيك يا جميل
البرنامج
جميل جدا وانت كمان مواضيعك تحفة .. وعايزاك تقول لجابر انى بحبه جدا
وميزعلش منى ابدا.. رغم كل اللي بيعمله و رغم انه قليل الادب و دايما
بيعمل حاجات سوفاج بس بحبه
بحبك يا تامر
قصدي يا جابر
حبيبتك شاهيناز
__________________
هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
__________________
هااي يا اسامه ازيك
يا
اسامه عاوز الايميل بتاعك بجد في مواضيع مهمه قوي عندي عاوز الحل ليها ..
معلش يا اسامه بليز و الله يا اسامه انا تعبانه موووت و انت الامل الوحيد
ليا ..
__________________
هااي اسامه يا احلي و اجمل صوت في الدنيا
اسامه بليز ممكن حلقه عن الحب من طرف واحد اصل اخوك كهربائي سيارات ...
بحبك مووووت يا سوكا
__________________
هااي يا اسامه انت اجمل و احلي صوت في الكون كله
ارجوك
يااسامه قول لحسن انه مهما دور على حد ممكن يحبه ويسامحه ويغفر له كل حاجه
مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني في الشهر اللي فات و باعه
__________________
اسامه اسامه اسامه
ازيك يا جميل
على فكره يا عم انت شوفلك حل .. حبيبتى بتحبك
انا محمدين من دمياط .. بحبك قوى يا رضوى
__________________
هاااي يا اسامه ازيك عامل ايه
انا عارفه ان الحب
مفهوش كرامه وهو الى خلانى بقيت كدة ازاى بعد كل دة هو اللى يبعد ويختار
هو علمنى ازاى معرفش اعيش من غيرة ونسى يعلمنى لما يبعد هعيش ازاى ...
بحبك يا بعجررر
__________________
هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله ..
__________________
هاااي اسامه ازيك
انا سنية من القاهرة
انا
بحب واحد قد ابويا و مش عارفه اعمل ايه بحبه موووت مووووت يا اسامه عشان
شعره الابيض الجميل و فجأة اكتشفت انه سمكري سيارات و ان البويه جت علي
شعره
اسامه انا مش عارفه اعمل ايه انت املي الوحيد
__________________
هاااي ا س اس ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
بحبك يا صميده موووت موت
الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك علي نجوم اف ام 100.6
مزيكا علي كيف كيفك
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الثلاثاء يوليو 20, 2010 11:15 am
والنبى ياختى اسامه منير ده تقيل ع معدتى
تسلم ايدك يا قمرايه
تسلم ايدك يا قمرايه
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف فارس الأحد يوليو 25, 2010 2:04 am
ههههههههههههه نيس ياموحه بس التوبيكات الجامده دى تسلمى ياجميل
فارس- عدد المساهمات : 8
تاريخ التسجيل : 25/07/2010
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 2:40 pm
فارس
ايمى
ميرســــــــى يا حلوين
نورتوا التوبيكـــــــــــ
تسلموا
ايمى
ميرســــــــى يا حلوين
نورتوا التوبيكـــــــــــ
تسلموا
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 2:59 pm
طيب مفيش حته بطيخه بارده
اصل الجو حر اوى
اصل الجو حر اوى
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 3:00 pm
ههههههههههههههههههههههههههه
لا فى سمكـــ والجمبرى جاى دلوقتى
حضرى نفسك
لا فى سمكـــ والجمبرى جاى دلوقتى
حضرى نفسك
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 3:02 pm
ده انا ياموحه ع الاخر
جعانه اوى مش باين عليه ولا ايه
طيب بوصى كده
جعانه اوى مش باين عليه ولا ايه
طيب بوصى كده
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 3:06 pm
ههههههههههههههههههههه
لا باين جدا
اعملك كوفى ميكس
بعد الليمون عشان تبقى عنب
لا باين جدا
اعملك كوفى ميكس
بعد الليمون عشان تبقى عنب
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 3:08 pm
لا كفايه ديد ديد صايم
وهيلاقينا بناكل م حسرته
هيجيله اسهال واحنا تلبوك معوى
وهيلاقينا بناكل م حسرته
هيجيله اسهال واحنا تلبوك معوى
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 3:14 pm
ربنا يعينه والله صعبان عليا
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 3:15 pm
متخفيش خالو هيسيبله
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 4:07 pm
اكيد طبعا ده صايم يعنى ممكن نسيبه له واحنا مش مهم
عادى يعنى ربنا يتقبل من الجميـــــــــع
وكل سنه وانتوا طيبين
عادى يعنى ربنا يتقبل من الجميـــــــــع
وكل سنه وانتوا طيبين
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 5:32 pm
لا ياختى
اسيبله اه
احنا مش مهم اهو ده ايلى مش ممكن ابدا
اسيبله اه
احنا مش مهم اهو ده ايلى مش ممكن ابدا
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأحد يوليو 25, 2010 6:03 pm
خلاص احنا اصلا ضحكنا عليه
ال3 سمكات دول وباقى الجمبرى مش هيعمل معاه حاجه
احنا نروح قبل ما يفطر عشان نروح كويسين
ال3 سمكات دول وباقى الجمبرى مش هيعمل معاه حاجه
احنا نروح قبل ما يفطر عشان نروح كويسين
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
رد: أنا والبطيخ وهواك.. الاستهبال في الحب
من طرف emey الأحد يوليو 25, 2010 6:05 pm
هههههههههههههههههههههههههه
طيب يلا ندخل ع شات المنتدى
طيب يلا ندخل ع شات المنتدى
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الثلاثاء يوليو 27, 2010 12:25 am
يلا يا عم الحاج
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
emey- عدد المساهمات : 681
تاريخ التسجيل : 19/07/2010
العمر : 35
رد: أنا والبطيخ وهواك.. الاستهبال في الحب
من طرف mo7a الأربعاء يوليو 28, 2010 11:13 am
يوووووووه
ايمان بطلى هبل
وادخلى ع القهـــــــــوة
ايمان بطلى هبل
وادخلى ع القهـــــــــوة
mo7a- عدد المساهمات : 752
تاريخ التسجيل : 23/04/2010
العمر : 38
الموقع : https://damiettacafe.yoo7.com/forum.htm
emey- عدد المساهمات : 681
تاريخ التسجيل : 19/07/2010
العمر : 35
مواضيع مماثلةdamietta cafe :: الفئة الأولى :: المنتدى العام :: خمسة فرفشة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى